Оңтүстіккореялық компания Қарашығанақта құны 6 миллиард доллар болатын газ өңдеу зауытын салады
Оңтүстіккореялық Hyundai Engineering компаниясы ұлттық QazaqGaz компаниясынан Қарашығанақта газ өңдеу зауытын салуға келісімшарт алды. Бұл туралы Stan.kz ақпарат агенттігі хабарлайды.
Зауыттың қуаттылығы – жылына 5 миллиард текше метр газды немесе тәулігіне шамамен 14 млн текше метр газ. Жобаның құны – 6 миллиард доллар.
Қарашығанақтағы газ өңдеу зауытын 2026-2030 жылдары салу жоспарланып отыр.
"Hyundai Engineering компаниясы Қазақстандағы ірі газ өңдеу зауытының құрылыс жобасы бойынша ынталандыру хатын алды, бұл оның Орталық Азиядағы орнын одан әрі кеңейтеді", – деп хабарлады компания.
Қарашығанақ газ өңдеу зауытының жобасы ірі ауқымды газ өңдеу кешенін және оған ілеспе инфрақұрылымды салуды көздеп отыр. Зауыт Қарашығанақ өңдеу кешені аясында жылына 5 миллиард текше метр шикі газды өңдей алады.
Бұл келісім Hyundai Engineering компаниясының газ өңдеу зауыттары саласындағы тәжірибесі мен мүмкіндіктерін көрсетеді. Сондай-ақ ол Hyundai Engineering-тің Орталық Азиядағы үш негізгі нарықта – Қазақстан, Өзбекстан және Түрікменстанда бар екенін растайды. Бұл компанияның ТМД өңіріндегі позициясын одан әрі күшейтеді.
Жоба шарттарына сәйкес, Hyundai Engineering жобалау мен жабдықтарды сатып алу жұмыстарын өз мойнына алады. Ал консорциумдағы құрылыс серіктесі ретінде италиялық мердігер компания SICIM-нің жергілікті филиалы қатысады.
Бұған дейін Орынбор газ өңдеу зауытына жасалған дрон шабуылынан кейін Қарашығанақ кен орны өндірісін азайтуға мәжбүр болған еді.
Астанада 68 жастағы қарияны металл іздегіштен өтерде шалбарын шешкені үшін жазаға тартты
