"Өмірмен қоштасып жатыр едім": Мақпал Жүнісова жан сырын ақтарды

Халық әртісі Мақпал Жүнісова атышулы видеосынан кейін көрінбей қалды. Бұл туралы Stan.kz ақпарат агенттігі хабарлайды. 

Фото: https://www.instagram.com/zhunusova.makpal/

Бір аптадан кейін жеке парақшасына видео жариялап, сағынышқа толы әндерін бөлісті. Одан кейін қолдап жатқан халқына алғыс білдірді. 

“Сіздердің қолдауларыңыз мені жамандықтан сақтады. Өмірмен қоштасып жатқан едім. Көрер жарығым бар екен. Кешіріңіздер, жақсыларым! Енді еркелемей тыныш жүремін. Бәріңізге басымды иіп алғыс айтамын!”, – деп жазды әнші. 

• "1 литр қымыз іштім": Мақпал Жүнісова өзін жек көретіндерге үндеу жасап, ел алдында сырын ақтарды

• "Мақпал ханым, іше түсіңіз": Мақпал Жүнісованың атышулы видеосынан кейін желі қолданушылары араша түсті

Одан кейін журналист, әрі қоғам белсендісі Сәуле Әбілдаханқызы өнер иесінің қылығын сынады. 

"Жалғыз қалған әйел, әнші, ақын, жазушы, өнерпаз аз ба?! Бағланова, Төлегенова, Рымбаева, Есқалиева, Нұрмағамбетова, Құлышева, Самединова, Бибіажар... Әншілерден басқа, театр артистері қаншама! Ақын қыздар мен жазушы, журналист қыздар қаншама! Еркеліктің де жөні болады. 60-тан асқанша "ерке қызбын" деп, шолжаңдау – еркелік емес, ақымақтық...”, – деп жазды медиа маманы. 

Еске салайық, халық әртісі ел талқысына түскен бейнежазбадан кейін төсек тартып жатып қалғанын айтқан еді.