Соңғы жаңалықтар
Соңғы жаңалықтар

"Өмір бойы соқыр болып қаламын": Оралдық дәрігерлер жанарынан айырылған жігітке 10 млн теңге төлейді

Оралда дәрігерлер қант диабетімен ауыратын жігітке соқыр болып қалғаны үшін 10 миллион теңге төлейді. Мұндай шешімді Жоғары сот қабылдады.

Сурет: "Хабар 24"/скриншот

Бұл туралы Stan.kz ақпарат агенттігі «Хабар 24» арнасына сілтеме жасап хабарлайды. 

Александр Черченко туғалы бері қаладағы №1 емханаға қаралып келген. Оған 8 жасында алғаш рет қант диабеті диагнозын қойып, тіркеуге алыпты. Алайда жігіттің айтуынша, ол көптеген жыл бойы тиесілі ем алмаған. Бұл деректі денсаулық сақтау министрлігінің комиссиясы да растады. Мамандар жігіт қаралып, емделген бірнеше медициналық мекемеден бірқатар бұзушылықты анықтапты. 

Комиссия жасаған тұжырым бойынша, осы жылдар бойы пациентке дер кезінде әрі толыққанды ем жасалмаған. Салдарынан Александрдың басқа да диагноздары пайда болып, ең сорақысы, ол толықтай соқыр болып қалған. 

«Офтальмолог жылына екі рет қарауы тиіс еді. Ауру қан тамырларына әсер ететіндіктен, жылына екі рет тексеруі керек. Алайда ол 9 жылдың ішінде небәрі 4 рет қарады... Егер бәрін дұрыс жасап, дәрігерлер барлығын дұрыс түсіндіріп, дер кезінде тексерсе, жанарым сақталар еді. Бірақ дәрігер білмегендіктен, дер кезінде бақыламағандықтан, салдары осылай болды», - дейді Александр Черченко.

Алайда қалалық №1 емханадағылар бұрынғы пациенттің айыптауларымен келіспейді. 

«Біз Черченконың талаптарымен және сот шешімімен келіспейміз. Бастапқыда келіспегенбіз. Себебі бізде төрт акт бар. Екі актіні тәуелсіз сарапшылар берді. Онда Черченкоға медициналық көмек көрсетудің барлық кезеңінде ем мен диагностика хаттамалар мен заманауи стандарттарға сәйкес жасалғаны анық көрсетілген. Пациент 2016 жылдан бері емханаға келмеген», - дейді емхананың емдеу жұмыстары жөніндегі орынбасары Марина Наженова.

Ал Черченконың айтуына қарағанда, ол басынан өткен жайттан кейін емхана дәрігерлеріне сенуден қалған. 

«Мен өмір бойына зағип болып қаламын. Олар менің туыстарымның, жақындарымның түрін көре алмайтынымды ескеріп отырған жоқ. Одан бөлек, жауап берушілер көзімдегі өзгерістерді 2009 жылдан бері білген. Бірақ ешқандай ем тағайындамады», - дейді жас жігіт. 

Жоғары сотта Черченконың бірінші қуынымы бойынша №1 емхананың жауап берушілерін моральдық өтемақы ретінде 7 миллион теңге төлеуге міндеттеді. Ал екінші қуыным бойынша, Оралдағы облыстық клиникалық ауруханадағылар 3 миллион теңге төлеп беруі тиіс. 

«Жоғары соттың шешіміне разымын. Қуаныштымын. Тек әділдікке жету үшін ұзақ уақыт күрескеніміз ренжітеді. Әрине, көз жанарын ақшамен өлшеуге болмайтынын түсінемін. Жалпы, адамның ешбір ағзасын ақшамен өлшеуге келмейді. Алайда бұл ақша жанарымды қалпына келтіруге және емге жетеді деп үміттенемін», - дейді Черченко. 

Жас жігіт көз жанарын қалпына келтіру үшін шетелде емделуді армандайды. Алайда жанарын толықтай қалпына келтіру мүмкін емес. Десе де ол ғылым бір орында тұрмайды және шетелдік дәрігерлер жолын тауып, көмектеседі деп үміттенеді. 

Талқылау
Пікір
Соңғы ЖАҢАЛЫҚТАР

Дина Смаилова: Қазақ қызы, сен "қыздығыңмен мақтан", себебі оған қалың мал төлейді

Смаилова: Жігіттер қыздарды әйелдікке емес, құл қылу үшін алады

Су сұрап үйге кірген: Ақтөбеде ер адам 9 жасар қызды аңдып жүріп зорлап кетті

Зорлықтан қиналған бүлдіршінді әкесі тапқан

Жаңа туған нәрестені ұрлап алған әйел оны ерлі-зайыптыға сатып жіберді

Қыздың ұрланған бала екенін әйелдің өзі де, күйеуі де білмеген

"Елбасы келгенде диван да келді": Нұрлан Қоянбаев "Түнгі студия" бағдарламасы туралы өз шындығын бөлісті

Продюсер: Аз қаражатқа жұмыс істеп жүргенде бізді қысқартып жіберді

Демалыс күндері ауа райы қандай болады: Синоптиктердің болжамы

Алматыда қар жауады

Түсік тастағанын күйеуінен жасырған әйел ауруханадан өзгенің баласын ұрлап кетті

Әйел 5 жылға бас бостандығынан айырылуы мүмкін

LRT ісіне қатысты елорда әкімінің экс-орынбасары іздеуде

Сыбайлас жемқорлыққа қарсы іс-қимыл агенттігі тергеу барысы туралы хабарлады

Нұр-Сұлтан мәслихат хатшысы қамауға алынды

«Астана LRT» ісінде бес күдікті ұсталды

Қырғызстанның экс-президенті арнайы күштердің сарбазын өлтірді деп айыптады

Атамбаев күштеп ұстау әрекеті кезінде сарбазды өлтірді деген күдікке ілініп отыр

"Колбин кет": Алматы облысындағы балабақша бүлдіршіндерінің қойылымы елді шошытты

Осындай іс-әрекеттерге жол берген жауапты адамдарға ең қатаң жазалау шаралары беріледі
Çàãðóçêà...