"Өлтіреміз деп қорқытты": Алматыда өзбек азаматтары құлдыққа түскен
Алматыда құлдықта болған 10 Өзбекстан азаматы анықталды. Олардың құжаттары мен телефондарын тартып алып, жекеменшік үйде күштеп ұстаған, деп хабарлайды Stan.kz ақпарат агенттігі Dunyo басылымына сілтеме жасап.
Үш өзбек азаматы Алматыда орналасқан Өзбекстанның бас елшілігіне жүгінген. Сөздерінше, жергілікті тұрғындар оларды өлтіретінін айтып, жекеменшік үйде күштеп ұстаған. Сонымен қатар заттары мен мобильді телефондарын тартып алған.
Елшілік қызметкерлері полициямен бірге аталған жерге барған. Құлдыққа түскен азаматтар Бостандық ауданы полиция басқармасына жеткізілген. Ал шетелдіктерді күшпен ұстағандарға қатысты Қылмыстық кодекстің 389-бабы "Өзінше билік ету" бойынша іс қозғалды.
Тергеу шаралары кезінде оларға төлқұжаттары мен жеке заттарын қайтарып, теміржол вокзалына дейін жеткізген. Шетелдіктер аман-есен елдеріне оралды.
Қазақстандық әйел жалға алушыны пәтерінен шығара алмай, сотқа берген: Алайда сот қараудан бас тартты
Пәтер иесі: "Жалдау шартын бұзылған деп тану және жалға алушыны пәтерден шығаруды міндеттеу талабым "кәмелетке толмағандардың істері жөніндегі сотқа жүгіну керек" деген негізбен бас тартылды"
Ерболат Жанәбілов пен Эльмира Төлегенова ажырасса, сот үкімі өзгере ме? Адвокат жауап берді
Түпкілікті шешімді кейінге қалдыру мерзімі аяқталған соң сот қабылдайды