Олимпиада жүлдегерлері Игорь Сон мен Зүлфия Чиншанло елге оралды
Ауыр атлетикадан Токио – 2020 Олимпиадасының қола жүлдегерлері Зүлфия Чиншанло мен Игорь Сон елге оралды. Қандастарымызды Алматы әуежайында салтанатты түрде қарсы алды, деп хабарлайды Stan.kz ақпарат агенттігі МИА Казинформ-ға сілтеме жасап.
Алматы облысының тумаларын жанкүйерлер, журналистер, туыстары мен достары ду қол шапалақпен, үлкен плакаттармен және гүлдермен қарсы алды. Жүлдегерлер кездесу барысында алған әсерлері мен жарысқа дайындықтары туралы айтты.
Қорытындылай келе, спортшылар жанкүйерлермен суретке түсті.
Айта кетейік, Токио Олимпиадасында ауыр атлет Игорь Сон 61 келіге дейінгі салмақ дәрежесінде қола медаль жеңіп алды - екі жаттығудың нәтижесі бойынша ол 294 келі салмақты көтерді. Сонның жүлдесі - Қазақстан құрамасының қоржынындағы екінші медаль.
Ауыр атлет Зүлфия Чиншанло да 55 келіге дейінгі салмақта қола жүлдегер атанған болатын. Екі сайыстың нәтижесі бойынша Чиншанло 213 килоны көтерді. Жұлқа көтеруде 90, серпе көтеруде 123.
Талқылау
"Эфирден қиып тастайды, концертке қатыстырмайды": Қазақстандық шоу-бизнес өкілдері хиджаб кигені үшін түрлі кемсітуге тап болған
Ерлан Төлеутай: "Орану – сахна әдебіне қайшы"
Қазақстандықтар шоколадтың күрт қымбаттағанына шағымданды: Неліктен тәттіге енді көбірек төлейміз
Соның ішінде ең көп қымбаттағандары: шоколад – 28%, глазурленген кәмпиттер – 13,9%