Олимпиада ойындарының 4 дүркін чемпионы Париждегі дүрмекке де қатысады
Грек-рим күресінен олимпиада ойындарында төрт рет чемпион атанған кубалық балуан Михаин Лопес Париждегі додаға да қатысады. Бұл туралы Stan.kz ақпарат агенттігі 1bol.kz сайтына сілтеме жасап хабарлайды.
Фото: Getty Images
"Кубаның қара нары" атанған грек-рим күресінің хас шебері Михаин Лопес бесінші рет олимпиада чемпионы атануы мүмкін. Төрт дүркін олимпиада чемпионы атанған алғашқы спортшы ретінде өз есімін тарихқа алтын әріптермен жазған кубалық балуан Париж бозкілемінде де белдеседі. Аса ауыр салмақта сынға түсетін Лопес әлемдік рекордты кезекті рет жаңартуды көздейді. Лопес Токио олимпиадасынан кейін ірі жарыстарда күрескен жоқ. Ал оның ізбасары Оскар Пино былтыр лицензиялық әлем чемпионатында олимпиада жолдамасын иеленген болатын. Алайда ол аңыз спортшы үшін өзінің жолын беруге мәжбүр.
Айта кетейік, грек-рим күресінен Қазақстан құрамасының қоржынында 4 жолдама бар. Ал аса ауыр салмақта Әлімхан Сыздықов сынға түседі.
Талқылау
"Суды артық пайдаланса, тариф 30% қымбаттайды": Қазақстандықтар су нормасы туралы жаңа ережеге қарсы шықты
Министрліктің мәліметінше, бұған дейін әр өңірде су бағасы әртүрлі есептелген
Астаналық әйел тірі ұлын "өлтіріп", 100-ге жуық әріптесінен ақша жинаған
Жәбірленуші: "Гүлмира Ашимова Ұлттық ұландағы подполковниктің әйелі"