"Өлемін деп ойладым": Криштиану Роналдудың диетасын ұстап көрген футболшы жүгіре алмай қалғанын айтты
Бразилияның "Палмейрас" клубының жартылай қорғаушысы, 22 жастағы Габриэль Менино футбол жұлдызы Криштиану Роналдудың диетасын ұстап көргенін мәлімдеді деп хабарлайды Stan.kz ақпарат агенттігі.
Менино өз салмағы жақсы болғанын айтады. Алайда өзгергісі келген футболшы Роналдудың диетасын ұстап көруге бел байлаған.
"Диета ұстаған соң келесі күні менің позициямда ойнаған екі ойыншы да жарақат алды. Алаңға кім шығуы керек? Мен! Диета мынандай еді: таңертең жұмыртқа мен тағамдық қоспалар. Жаттығу алдында тағы да түрлі қоспалар ішу керек. Түскі асқа балық пен салат. Түстен кейін тағы қоспалар. Кешкі асқа балық пен салат. Ұйықтар алдында тағы да тағамдық қоспа", – дейді ол.
Жаттығу кезінде Габриэль Менино мүлдем жүгіре алмай қалғанын айтады.
"Өлемін деп ойладым. Бес минут ойнаған соң жүгіре алмадым. Оның бұл диетаны қалай ұстайтынын білмеймін", – деп қосты Менино.
Фельдшерлердің мәселесін көтерген қазақстандық жындыханадан бір-ақ шыққанын айтты
Өмірбек Мұхаммадтың жедел жәрдем қызметінде бес жылдық еңбек өтілі бар
Төрт тілде еркін сөйлейтін қазақстандық жігіт ауылда мал бағып жүр
Әділет: "Әкем мал шаруашылығында, анам тазалықшы, тіл курсына артық қаржы болмады"