Кипрде пышақтап кеткен бойжеткен Қырғызстан азаматы болып шықты
Қазақстанның Сыртқы істер министрлігі Кипрде шабуыл жасалған бойжеткеннің Қазақстан азаматы емес екенін мәлімдеді. Бұл туралы Stan.kz ақпарат агенттігі хабарлайды.
Бүгін Никосия қаласындағы супермаркеттердің бірінде Жанерке Абдразаковаға шабуыл жасалып, пышақ жарақатын алған еді.
Еліміздің Сыртқы істер министрлігі Жанеркенің Қазақстанда туылғанын, алайда Қазақстан азаматы емес екенін хабарлады.
“Қазақстан Республикасы Сыртқы істер министрлігі Солтүстік Кипрде болған оқиғада зардап шеккен азаматқа қатысты келесіні хабарлайды. Мәліметтерді нақтылау барысында зардап шеккен азаматтың Қазақстанда туылғаны, алайда оның Қырғыз Республикасының азаматы екені анықталды”, – делінген ведомство хабарламасында.
Жергілікті БАҚ-тың мәліметінше, шабуыл бүгін шамамен сағат 11:45-те болған. Белгісіз себеппен ер адам қызға пышақпен шабуыл жасап, оны өлтірмек болған. Кейін ол өзіне де пышақ жарақатын салған.
Екеуі де дәрігер Бурхан Налбантоғлу атындағы мемлекеттік ауруханаға жеткізілді. Соңғы мәлімет бойынша, Жанерке өте ауыр халде жатыр және дәрігерлер оның өмірі үшін күресіп жатыр. Шабуыл жасаған ер адам да дәрігерлердің бақылауында.
Алматыдан Балиге дейін велосипедпен жеткен қазақстандық жұп 10 айлық сапары туралы айтып берді
Алина: "Таиландта бізді тонауға тырысты, Қытайда балшық үйде тұратын адамдармен кезіктік"
100 жылқыны ұрлады деп жала жабылған ақтөбелік қария жалғыз үйінен айырылуы мүмкін
“100 жылқым жоғалды” деген қожайыны 60 жастағы азаматты екі бірдей сотқа сүйреп, мойнына 10 миллион теңге қарыз ілген