Нұр-Сұлтанда қаза тапқан Сымбат Құлжағарованың әкесі видеоүндеу жолдады
Биіктіктен құлап қаза тапқан астаналық Сымбат Құлжағарованың әкесі биліктегі азаматтарға видеоүндеу жолдады, деп хабарлайды Stan.kz ақпарат агенттігі.
Боранғали Құлжағаров үндеуін ҚР президенті Қасым-Жомарт Тоқаевқа, Нұр-Сұлтан қаласының әкімдігіне, ҚР Бас прокуратурасына, ҚР Жоғарғы Сотына, ҚР Ішкі істер министрлігіне арнады.
Видеода Боранғали Құлжағаров қызының психикалық сау болғанын баса айтты.
"Халықтың ашуын тудырған, ызаландырған қызым Сымбаттың басына түскен қайғы мәңгілік сапармен ұласты. Мен қызымның есі дұрыс болғанына еш күмән келтірмеймін. 2020 жылдың 21 қазанында дәрігерлік комиссияның қорытындысы шықты, оған қоса өзімнің де көзім жетті. Осыған орай сіздерден қазіргі таңда тергеліп жатқан қылмыстық істі толық, жан-жақты, әділ және объективті зерттеуді қамтамасыз етуді сұраймын", - деді марқұмның әкесі.
Еске салайық. Сымбат Құлжағарова 9-10 желтоқсанға қараған түні жоғары қабаттан құлап қаза болған. Қыздың денесі Нұр-Сұлтандағы тұрғын үй кешенінен табылды. Полиция денені тексеру кезінде қайтыс болған адам ешкімді кінәламайтын жазба табылғанын айтты.
- "Шынымен де ауру болды": Көз жұмған Сымбат Құлжағарованың күйеуі оқиғаға қатысты алғаш рет пікір білдірді
- "Басыңды кесіп, үйіңді өртеймін": Қарағандылық келіншек Сымбат Құлжағарованың оқиғасынан кейін өз шындығын айтты
Бұған дейін әлеуметтік желілерде марқұмның әпкесінің үндеуі пайда болды, онда ол Сымбат төрт жыл бұрын тұрмысқа шыққанын, екі баласы бар екенін айтты. Алайда отбасында келісім болмағандықтан және астаналық әйел жұбайынан ажырасуға шешім қабылдады. Әпкесінің айтуынша, ер адам әйелін психикалық ауруханаға жауып, ұлы мен қызын алып кетемін деп қорқытқан.
"Алайда Сымбат бәрібір ажырасуды талап етті. Нәтижесінде Абай Сымбатты Қалалық психикалық денсаулық орталығына мәжбүрлеп орналастырып, оның психикалық денсаулығы нашар екенін және өзін-өзі өлтіргісі келетінін айтты. Психикалық ауруханада ол шамамен бір апта болды. Сымбат Абай балаларды тартып алады деп қорқып, балалар үшін Абаймен бірге тұруды жалғастыруды шешті. 2020 жылдың қыркүйегінде Сымбат ресми түрде ажырасуға өтініш беріп, сотты күтті", - деді марқұмның әпкесі.
Осыдан кейін, туысының айтуынша, күйеуі сымбатты бірнеше рет ұрып-соғып, содан кейін оны қайтадан жындыханаға апарған. Кейін Сымбаттың балаларды қайтарғаны туралы ақпарат пайда болды.