Нұр-Сұлтанда бала сегізінші қабаттан құлап кетті
Нұр-Сұлтанда төрт жасар бала сегізінші қабаттың терезесінен құлап кетті, деп хабарлайды Stan.kz ақпарат агенттігі елорданың полиция департаментіне сілтеме жасап.
"2 тамызда сағат 20:37-де полицияға Иманбаева көшесіндегі сегізінші қабаттың терезесінен төрт жасар баланың құлап кеткені туралы хабарлама келді. Бала пәтерде ата-анасымен бірге болған. Терезенің үстінде ойнаған нәресте сегізінші қабаттан құлап кетті. Қайғылы жағдайды баланың әкесі көрген. Ол баласын құтқарып үлгермеді. Бала алған жарақатынан оқиға орнында қайтыс болды", – деп хабарлады полиция департаментінің баспасөз қызметі.
Тәртіп сақшыларының айтуынша, жыл басынан бері елордада 25 бала терезеден құлаған, оның үшеуі қайтыс болған. Полиция ата-аналардан балаларын қараусыз қалдырмауды және ашық терезелердің жанында ойнауға рұқсат бермеуді сұрайды.
Супермаркеттер желісі қазақстандық өндірістің макарон өнімдерін сөрелеріне қоюдан бас тартты
Сөзінше, Galmart супермаркетінің сатып алу бөлімі қазақстандық тауар премиум сапаға жатпайды деп макарон өнімін алмай қойған
2026 жылы қазақстандық жүргізушілердің айыппұлы қанша болады
Қазақстанда 2026 жылы айлық есептік көрсеткіш 4325 теңгеге өседі