Талғарда жасөспірім қаза тапты: Оның өліміне қатысты қатарласы ұсталды
Фото: freepik.com
Талғарда жасөспірімнің өлімінен кейін қылмыстық іс қозғалды. Күдікті ретінде тағы бір жасөспірім ұсталды. Бұл туралы Stan.kz ақпарат агенттігі хабарлайды.
Алматы облыстық полицияның хабарлауынша, жасөспірімге дене жарақатын салып, оның өліміне әкелген факті бойынша қылмыстық іс тіркелген.
Күдікті ретінде тағы бір жасөспірім оқиғадан көп ұзамай ұсталып, уақытша ұстау изоляторына қамалды. Сот оның қамауда болуын санкциялады.
Полиция департаменті тергеу тобы материал жинап, оқиғаның толық мән-жайын анықтап жатқанын айтты. Іс ведомствоның ерекше бақылауында. Ал оқиғаның егжей-тегжейі ҚР ҚПК-нің 201-бабына сәйкес жарияланбайды.
Трагедияға не себеп болғаны әзірге белгісіз. Қақтығыстың неден шыққаны, оған не түрткі болғаны және жасөспірімдердің қандай жағдайда болғаны туралы ресми ақпарат жоқ.
Жүргізушілер Алматы әуежайында жолаушыларды түсіргені үшін салынған айыппұлдарға шағымданды: Полиция не дейді?
Полиция: "Әуежай аумағының жекелеген учаскелерінде 3.28 "Тоқтауға тыйым салынады" жол белгілері орнатылған"
Хлор мен уксусты араластырып ыдыс жуған қазақстандық әйел ауруханадан бір-ақ шықты
Дәрігер: “Қышқылдар мен күшті сілтілер өңеш пен асқазанның ауыр химиялық күйігін туғызады”