Ақтөбеде қор директоры ерекше балалардың еміне бөлінген қаржыны жымқырғаны үшін қамауға алынды
Ақтөбеде More Life қоғамдық қорының директоры екі айға қамауға алынды. Бұл туралы Stan.kz ақпарат агенттігі хабарлайды.
Видеодан скриншот
Ол ерекше қажеттілігі бар балаларды емдеуге арналған ақшаны жымқырды деген күдікке ілінді. Айрықша ірі көлемдегі қаражатты ұрлау дерегі бойынша тергеу жүріп жатыр.
Тергеу мәліметінше, қор директоры 2023 жылы алаяқтық жасау мақсатында жәбірленушілердің бірімен ДЦП диагнозымен есепте тұрған қыздың емделуіне 30 миллион теңге көлемінде қаражат өндіру туралы келісімге келген.
"22 миллион теңгені жинап алған соң, жәбірленуші мен оның кәмелетке толмаған қызын Минск қаласына емделуге жіберген. Сөйтсе ақша медициналық мекемеге аударылмаған", – делінген хабарламада.
Сот күдіктіге екі ай мерзімге қамауға алу түріндегі бұлтартпау шарасын санкциялады. Барлық зардап шеккендердің саны мен келтірілген шығын көлемі белгіленді.
Мақсатым — Олимпиада. Жаңа бапкерлік штаб 1,5 жылда нәтиже береді — Ғұсман Қырғызбаев
Ғұсман Қырғызбаев: Біздің қырғыздарға ешқандай қатысымыз жоқ
Қазақстанда шетелдіктер тұрақты тұру үшін қазақ тілінен тест тапсырады: Бұл талап интеграцияны күшейте ме, әлде көшуге ниеттілерді азайта ма?
Тест онлайн форматта ҚАЗТЕСТ жүйесі арқылы өткізіледі