Астанада жатақханада ірі өрт болды

Астанада жатақхана өртенді. Бұл туралы Stan.kz ақпарат агенттігі хабарлайды. 

Фото: ТЖМ

"Елордалық өрт сөндірушілер 500 шаршы метр аумақты шарпыған жатақханадағы өртті сөндіруде", - делінген төтенше жағдайлар министрлігінің хабарламасында.

ТЖМ өрт қауіпсіздігінің барлық ережелерін сақтауды ұсынады.

Өрт сөндірушілер тілсіз жауды 06:07-де толықтай жойды. 

Сондай-ақ төтенше жағдайлар министрлігі үш адам ауруханаға жатқызылғанын хабарлады. 

Нақтыланған мәліметтер бойынша өрттің ауданы 400 шаршы метрді құрады.

"Себептер анықталуда", - деп қосты ТЖМ.