Таразда сабаққа барғысы келмеген 8-сынып оқушысы мектепке жарылғыш зат қойғанын айтып бопсалаған
Таразда сабаққа барғысы келмеген 8-сынып оқушысы “мектепке жарылғыш зат қойдым” деп, жауапты мамандардан 10 миллион теңге ақша сұраған. Бұл туралы Stan.kz ақпарат агенттігі 31 арнаның “Информбюро” жаңалықтар бағдарламасына сілтеме жасап хабарлайды.
Жарылыс туралы хабарламаны оқушы білім басқармасының телеграм бот желісіне жолдаған.
Бұл хабарламадан соң саперлер мектеп ішін түгел тінтіп шыққан. Бірақ ғимараттан ешқандай қауіпті жарылғыш затты таппаған.
Оқиға түнде болғандықтан ешкімді эвакуациялаудың қажеті туындамаған.
Кейін жарылғыш зат қойдым деп ол үшін 10 миллион теңге бопсалаған баланың сегізінші сынып оқушысы екені анықталды. Кәмелет жасына жетпеген оқушының әрекеті үшін енді ата-анасы жауапқа тартылуы мүмкін.
Қолданыстағы заңда мұндай әрекетке әбігерден келген шығын өтеліп, қылмыстық іс қозғалып, әкесін бас бостандығынан айыру да көзделген.
Екі күнде үш рет төтенше жағдайда қонды: Авиация сарапшысы қыс мезгілінде ұшудың қаншалық қауіпті екенін айтты
Абыл Кекілбаев төтенше қонулар авиакомпанияларға тек ерекше жағдайда ғана жасалатынын айтты
Алматылықтар арасында маска мен мұрын фильтрі танымал бола бастады: Лас ауадан қорғайтын құралдар шынымен тиімді ме
Масканың көмегі болуы үшін оның FFP2 немесе N95 түрін таңдау керек