"Мүмкін, санкциялар қатаңдатылатын шығар. Бірақ Ресей Қырым оқиғасынан кейін кем дегенде сегіз жыл бойы бұл санкциялармен өмір сүріп жатыр. Ал біз бұл санкцияларда қалыпты өмір сүрдік. Кей кезде олардың жанама әсері болады, бірақ кейде елімізге әсер етпейді. Артықшылықтары да бар – біз бұл мүмкіндіктерді пайдалануымыз керек. Мәселен, қазір бір мүмкіндік – әуе кеңістігін айналып ұшу арқылы шетелдік әуе компаниялары Қазақстан арқылы ұшады. Біз бұл үшін ақы аламыз", - деді Қуантыров журналистермен кездесуде.

Сол сияқты, оның айтуынша, Қазақстан арқылы біраз тауар ағындары өте бастады.Журналистер энергиямен жабдықтау арналарын бұғаттау қаупі туралы сұрады.

"Әрқашан балама нұсқалар бар. Бізді жан-жақтан бір ел қоршап жатқан жоқ, шығыста да, батыста да, оңтүстікте де, соның ішінде теңіздің арғы жағында да көршілеріміз бар. Мен олар өздеріне экспорттаған мұнайға санкция салады деп ойламаймын", - деді Қуантыров.

Министр сондай-ақ еуропалық және америкалық тауарлардың қазақстандық тұтынушылары үшін қауіп-қатері бар-жоғы жайлы айтты.

"Біз мұны да ескереміз. Бұл жерде теңге бағамын қалай басқаруға болатынын қарастыру керек. Бірақ теңгенің айырбас бағамы рубльге қатысты тым күшейіп кетсе, бұл да 2014 жылғыдай кері әсер етеді. Олар Ресейден әкелінсе, экспортымыз зардап шегеді. Екінші жағынан бағаға оң әсер етеді. Яғни қарапайым тұтынушыға жақсы болады. Теңгерім болу керек. Ұлттық банк бұны реттейді деп ойлаймын", - деп түсіндірді министр.

Министр жалған транзиттің өсуі мүмкін екенін жоққа шығармады.

"Ресей бизнесі санкцияларға байланысты Қазақстанның резиденциясын қабылдап, осында заңды тұлғалар ашып, осы заңды тұлғалардың атынан өнімді сатып алып, кейін Ресейдегі контрагенттеріне сатуы қаншалықты мүмкін? Бұл Қазақстан үшін қаншалықты қауіпті? ", - деп сұрады журналист.

"Біз де бұл туралы ойланып жатырмыз. Иә, мұндай тәуекел бар. Мұндай мүмкіндік бар. Біз есептеп жатырмыз. Бұл сәт әлі де үкіметте белсенді түрде талқыланады. Мұндай сұрақтар өте көп", - деді Әлібек Қуантыров.

Украинадан эвакуация: Қазақстандықтар мінген автобус Польша шекарасын кесіп өтті

Талқылау