AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
Соңғы жаңалықтар
Соңғы жаңалықтар

Бозымбаев Талдықорғандағы Назарбаевтың ескерткішін жөндеу туралы: Мәселе қарастырылып жатқан жоқ

Қазақстанның Тұңғыш президенті Нұрсұлтан Назарбаевтың Талдықорғандағы ескерткішін қалпына келтіру мәселесі күн тәртібінде тұрған жоқ. Бұл туралы Алматы облысының әкімі Қанат Бозымбаев мәлімдеді, деп хабарлайды Stan.kz ақпарат агенттігі. 

"Ескерткіш қалпына келтірілмейді және бұл мәселе күн тәртібінде тұрған жоқ", – деді Бозымбаев бейсенбі күні өткен баспасөз мәслихатында. 

Сонымен қатар ол қаңтар трагедиясы оқиғаларының хронологиясы туралы егжей-тегжейлі айтып берді.

"Жаппай наразылықтардың алғашқы күндері мен халық алдына шығып, түсіндіру жұмыстарын жүргізе бастадым. 4 қаңтарда кешке бір сағат көлемінде мен наразылық білдірушілерден менің кабинетіме баруды, барлық проблемалық мәселелерді сындарлы талқылауды өтіндім. Түнгі сағат 1-де наразылық білдірушілердің 30%-ы үйлеріне қайтты. Дау-дамайлар да, жанжалдар да болды. Адамдар ашуланып, айқайлады. Бірақ, менің ойымша, ең бастысы – сол күні қан төгілмеді, митинг тыныш аяқталды. Түнгі сағат екіде халық үйлеріне тарап кетті", – деді облыс әкімі.

Алайда, аймақ басшысының айтуынша, 5 қаңтарда жағдай басқаша болған. Тәртіпсіздікке 500-ге жуық адам қатысқан. Олардың көпшілігі жастар болған көрінеді. Сол кезден бастап әкімшілік ғимараттарды қирату, өртеу, тонау басталған.

"Мен облыстың әр ауданы мен қаласының әкімдерімен келіссөздер жүргіздім, ҰҚКД басшылығымен бірге арнайы штаб құрдық, оның құрамына полиция, Ұлттық Ұлан және басқа да ведомстволар қызметкерлері кірді. Мен Ішкі істер министрлігімен келіссөздер жүргізу үшін Нұр-Сұлтан қаласына ұшып кеттім. Біз астанадан көмек сұрадық. Облысқа арнайы күштер келді, терроризмге қарсы арнайы операция басталды. Осы үйлесімді іс-қимылдардың нәтижесінде тәртіп қалпына келтірілді", –  деп түйіндеді Бозымбаев.



Естеріңізге сала кетейік, Тұңғыш президент ескерткіші қаңтар айының басында болған тәртіпсіздіктер кезінде бұзылған болатын.

31 қаңтарда Талдықорғандағы Назарбаев ескерткішін қирату туралы істі арнайы прокурорлар тергеп жатқаны хабарланды. Күдікті азаматтардың бірі – Азамат Батырбаев. Ол азаптауларға ұшырағаннан кейін іс қоғамда үлкен резонанс тудырды. Тіпті президент Қасым-Жомарт Тоқаевтың назарын аударды. Қазіргі таңда азаптау фактісі бойынша тергеу жүргізілуде.

Талқылау
Пікір
Қазір оқып жатыр
Қазір оқып жатыр