Банктің бұрынғы қызметкері Түркістан тұрғынының атынан миллиондаған кредит рәсімдеп алған
Түркістанда банктің бұрынғы қызметкері алаяқтық жасады деген күдікпен ұсталды. Төрт ай бұрын ер адам банкке келген тұрғынның атынан 5 миллион теңге көлемінде заңсыз несие рәсімдеген, деп хабарлайды Stan.kz ақпарат агенттігі.
Түркістан қалалық полиция басқармасының кезекші бөліміне өңір тұрғыны алаяқтық туралы арыз жазған. Оның айтуынша, біреу оның атына ірі сомада несие рәсімдеген.
Полицейлер күдікті ретінде облыс орталығының тұрғынын ұстады. Белгілі болғандай, жас жігіт бұрын банк қызметкері болып жұмыс істеген.
"Осыдан төрт ай бұрын күдікті банкке келушілердің біріне бес миллион теңгеге жуық заңсыз несие рәсімдегені белгілі болды. Алаяқтық жолмен алынған ақшаны азамат өз қажетіне жұмсаған", – деп хабарлады полициядан.
Оқиға Қылмыстық кодекстің "Алаяқтық" бабы бойынша тіркелді. Полиция күдіктінің басқа да заңсыз қызметтерді жасауға қатысы бар-жоғын анықтап жатыр.
Қазір бұл факті бойынша сотқа дейінгі тергеу амалдары жүргізілуде.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі