Оқушылар өз қалауы бойынша онлайн оқуына бола ма? Аймағамбетов жауап берді
Оқушылар ата-аналарының қалауы бойынша онлайн форматта оқи алмайды. Бұл туралы Білім және ғылым министрі Асхат Аймағамбетов айтты, деп хабарлайды Stan.kz ақпарат агенттігі Tengrinews.kz сайтының Instagram-дағы тікелей эфиріне сілтеме жасап.
Білім министріне: "Ата-аналар өтініш жасаса, балалардың дәстүрлі форматқа ауыспай, онлайн оқуға мүмкіндігі бар ма?” деген сұрақ қойылды.
"Жоқ. Балалар дәстүрлі форматта білім алады деген шешім қабылданды. Көптеген студенттер, егер мүмкіндік болса, мүлде сабақ оқымай, университетке бармай диплом алғылары келеді. Бірақ, сонымен бірге басым көпшілігі дәстүрлі оқытудың қажеттілігін айтып жатыр. Менің ойымша, сарапшылар, ата-аналар мен педагогтар дәстүрлі оқыту қашықтықтан оқытуға тең тұрмайтынын, теңесе алмайтынын түсінеді", – деп жауап берді Аймағамбетов.
Еске салсақ, білім министрлігі мектептерді қайтадан алты күндік оқу жүйесіне көшіретіні туралы жазған болатынбыз.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі