Қазақстандық дәрігер: Коронавирустан жастар жиі көз жұмуда
Қазақстанда қазір жансақтау бөлімінде жатқан науқастардың арасында 20-25 жастағы жастар, балалар бар. Бұл туралы жоғары санатты инфекционист, медицина ғылымының кандидаты Сәуле Атығаева айтты, деп хабарлайды Stan.kz ақпарат агенттігі.
"Соңғы айда, стационарлық көмекке деген қажеттілік едәуір өскенде, қалада күн сайын 300-ден астам адам ауруханаға жатқызылды, олардың 10-15%-ы жансақтау бөліміне жатқызылды, біз күн сайын өте көп адамнан айырылдық. Бүгінгі статистиканы қараңыз Қазақстанда 149 адам коронавирус инфекциясынан қайтыс болды. Марқұмдардың барлығы екпе алмағандар. Былай алып қарасақ,149 адам төрт қабатты, бес қабатты үйдің тұрғындары. Бір үйдің адамдары бәрі көз жұмды. Егер күн сайын көз жұматындардың саны осылай болса, біз жақын арада ауылдан, содан кейін шағын аудандардан айырыламыз. Бұл біреудің ата-анасы, балалары", – деді жұқпалы аурулар жөніндегі дәрігер Қазақстан халқына.
Оның айтуынша, көз жұмған науқастардың арасында жас балалар бар.
"Біздің қалада, кем дегенде, бір жасқа дейінгі, мектепке дейінгі жастағы балалар жансақтау бөлімінде немесе желдеткішке қосылған. Біз 60 жастан асқан адамдардың қайтыс болғанына үйрене бастаған шығармыз, бірақ жас, қабілетті адамдар да ауырып қалып жатыр. Қазір біз 20-25 жас аралығындағы науқастардың көз жұмып жатқанын көреміз, бұл өте қорқынышты, әсіресе балалар үшін қорқынышты.
Вакциналар басқа формада болады, бірақ олардың Қазақстанда пайда болуын күтудің қажеті жоқ. Бес қабатты үйдің тұрғындарын күн сайын жерлемеу үшін қазір вакцинациялауға мүмкіндік алыңыз", – деді Сәуле Атығаева.