Желіде Шарындағы селдің видеосы таралды: зардап шеккендер бар
Желіде Шарын шатқалындағы сел тасқыны жүріп жатқаны жайлы видео пайда болды. Оқиға куәгерлерінің видеосын Қазақстан төтенше жағдайлар министрлігінің ресми өкілі Талғат Уәли өзінің YouTube-каналына жүктеген, деп хабарлайды Stan.kz ақпарат агенттігі.
"Биыл 29 мамырында сағат 13: 35-те Алматы облысының ТЖД-ға Алматы облысының Ұйғыр ауданындағы Шарын каньонының төменгі бөлігінде балшық-селдің жүріп өткені туралы хабарлама келіп түсті. Соның салдарынан 6 адам зардап шегіп, 2 адам қайтыс болды, оның ішінде біреуі кәмелетке толмаған, 1 адам із-түссіз жоғалған.
Зардап шеккен адамдарға шұғыл медициналық көмек көрсетілді, із-түссіз жоғалған адамға іздестіру-құтқару жұмыстары ұйымдастырылды", - деп нақтылады ҚР ТЖМ ресми өкілі Талғат Уәли.
Шымкентте әуе шарының кесірінен мыңдаған адам жарықсыз қалды
Ведомствода балшық-сел тасқыны ауа-райының күрт өзгеруіне байланысты (ұзақтығы шамамен 15 минут бұршақ аралас қысқа мерзімді қатты нөсер жаңбыр) болғанын атап өтті.
Шарында тікұшақпен: Қытайлық блогерлерді Қазақстанның көрікті жерлерін көрсету үшін әкелді