"Сіріңке немесе оттық": Министр Жаңатастағы бес баланың өліміне не себеп болғанын айтты
Қазақстанның төтенше жағдайлар министрі Юрий Ильин Жамбыл облысында бес баланың өмірін қиған өрттің шығуына сіріңке немесе оттық себеп болуы мүмкін деп болжады, деп хабарлайды Stan.kz ақпарат агенттігі.
"Мен анасының бес баласын, оның ішінде жеті айлық баласын қалдырып, үйден кетуіне не себеп болғанын толық білмеймін. Мүмкін, өрттің шығуына бірнеше себеп бар шығар. Қазір тергеу жалғасуда. Көп қабатты үй орталық жылу жүйесіне қосылған. Пеш болды деген дерек расталмады. Оқиға орнынан электр сымдарының тұтастығының бұзылуы, құрылғылардың қысқа тұйықталуы да табылған жоқ. Өрт от жағатын құрылғылар мен сіріңкені дұрыс пайдаланбаудан шығуы мүмкін", - дейді министр.
- "Әр балаға 42 500 теңгеден берсін": Елордада аналар депутаттарға талап қойды
- Жаңатаста қаза тапқан бес баланың туыстары бүкіл елге үндеу жасады
Еске салайық, 19 ақпанда Жамбыл облысы, Сарысу ауданы, Жаңатас қаласында өрт болып, бес бала қайтыс болды. Өрт кезінде әкесі жергілікті ауруханада жұмыста болған, ал анасы дүкенге кеткен. Өрттің алдын ала себебі, өрт жатын бөлмесінде өте тез тұтанатын материалға тиген. Балалардың өліміне қатысты қылмыстық іс қозғалып, "Өрт қауіпсіздігі талаптарын бұзу" бабы бойынша тергеліп жатыр.
Өрттің алдын ала себебі - жанғыш материалдың бетіне ашық жалынның тиюі.