Тоқаевтың жолын қуды: Өзбекстан президенті Сума Чакрабартиді өзінің кеңесшісі етті

Еуропалық қайта жаңғырту және даму банкінің экс-басшысы, жақында Қазақстан президенті Қасым-Жомарт Тоқаевтың штаттан тыс кеңесшісі атанған Сэр Сума Чакрабарти енді Өзбекстан басшысы Шавкат Мирзиеевтің кеңесшісі болып тағайындалды, деп хабарлайды Stan.kz ақпарат агенттігі.

Бұл туралы Сума Чакрабарти Twitter-де жазды. 

"Мен өте қуанып отырмын. Өзбекстан президенті мені экномикалық даму, тиімді басқару және халықаралық серіктестік жөніндегі кеңесшісі қылып тағайындады. Алдағы уақытта оған мемлекеттік реформаларды іске асыруға қуана көмектесемін", - дейді Чакрабарти. 

Еске салайық, бұған дейін ол Тоқаевтың экоммикалық даму жөніндегі штаттан тыс кеңесшісі лауазымын иеленген еді. Сонымен қатар, Чакрабарти Қазақстандағы реформа жөніндегі жоғарғы кеңес төрағасының орынбасары атанды.