"Немеремді емханаға өзім апардым": Ажар Ғиният немересінің қызылшаға қарсы екпеден кейінгі жағдайын айтты
Денсаулық сақтау министрі Ажар Ғиният қызылшаға қарсы вакцинаның қауіпсіз екенін дәлелдеу үшін немерелерін мысалға келтірді. Министр немересін емханаға өзі апарып, оған ауруға қарсы екпе салдырған. Бұл туралы Stan.kz ақпарат агенттігі хабарлайды.
“Үлкен немерем 9 жаста, 6 жасында екпе алған. Бұл жұмысты өзім бастадым, емханаға 5 жасар немеремді алып келдім. Екпенің қауіпсіз, тиімді және сенуге болатынын дәлелдедім. Төртінші күні оның дене қызуы көтеріліп, құсу белгілері болды. Дәрігерлер мұны вакцинаға реакция беріп жатыр деп бағалады", –деді министр ОКҚ алаңында өткен баспасөз мәслихатында.
Министр екпеден кейін бір күннен кейін әртүрлі симптомдар болғанын айтты. Мұндай белгілердің болуы қалыпты жағдай деп түсіндірді.
Еске салайық, бұған дейін денсаулық сақтау министрі екпе салдырмауға үгіттейтін антиваксерлерге ескерту жасағаны туралы жазған едік.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ыншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды