Найзағай мен аптап ыстық: 17 облыста, Астана мен Алматыда дауылды ескерту жарияланды

Синоптиктер Қазақстан аумағы бойынша 30 маусымға арналған ауа райының жалпы болжамын жариялады. Бұл туралы Stan.kz ақпарат агенттігі хабарлайды. 

Фото: klike.net

Синоптиктердің болжамына сәйкес, еліміздің басым бөлігінде тұрақсыз ауа райы сақталады.

"Қазақстанның солтүстік-батысында нөсер жаңбыр жауады. Республиканың оңтүстігі мен батысында ғана жауын-шашын болмайды. Ел бойынша ортақ табиғи құбылыс - найзағай, бұршақ, дауыл, желдің екпін алуы. Оңтүстік өңірде шаңды дауыл соғады деп болжанды”, – делінген хабарламада. 

• 45 градусқа дейінгі ыстық: Қазақстанда шілде айына арналған ауа райы қандай болатыны айтылды

• Ауруханалар мен мәйітханалар толып кеткен: Пәкістанда аптап ыстықтан 600-ге жуық адам көз жұмды

Сондай-ақ Қарағанды, Павлодар, Абай, Жетісу облыстарында, Ұлытау өңірінің солтүстігінде, шығысында, Ақмола облысының батысында, оңтүстігінде, ШҚО-ның оңтүстігінде, Маңғыстау облысының батысында, Ақмола облысының батысында, оңтүстігінде, шығысында өрт қаупі жоғары болады.

Түркістан, Жамбыл, Қызылорда, Алматы, Ұлытау облыстарында, Маңғыстау өңірінің солтүстігінде, Қостанай өңірінің оңтүстігінде, Қарағанды облысының оңтүстігінде, батысында, Абай өңірінің оңтүстігінде, Жетісу облысының солтүстігінде, шығысында, Атырау облысының батысы мен шығысында төтенше өрт қаупі сақталады.

Айта кетейік, бұған дейін Қазгидромет мамандары Қазақстан бойынша 27-28 маусымға арналған ауа райы болжамын жариялаған еді.