"Нанға ақшам жоқ болса да, сырғаларым көп": Ләйлә Сұлтанқызы студенттік шағын еске алды

Ләйлә Сұлтанқызы студенттік кезін еске алды. Тележүргізуші ауылдан келген соң, қаланың сәнқой қыздарына қызыға қарағанын айтты. Сұлтанқызы басқа қыздарға еліктеп, бар ақшасына базардан сырға алғанын әңгімеледі, деп жазады Stan.kz ақпарат агенттігі.

"Ауылдан қалаға оқуға келген кезім, курстағы қаланың модный киінген қыздарын көріп қызығамын. Группамызда қаланың Т. деген қызы оқыды. Масқара, неше түрлі сырғасы болатын, күнде әр түрлісін тағады. Ақ көйлекке жүрек сырға, көк көйлекке ай сырға дегендей. Бар арманым, сол қыздағыдай сырғам көп болса екен, сол сияқты әртүрлі киімге неше түрлі сырға тақсам екен. 17 жасымда 50$ бірінші айлығымды алғанда, сол күні-ақ Алматыдағы “Яляннан” үйіп-төгіп арзан сырғаларды 1 қап қып сатып алдым. Сондағым – ерекшелену, елге ұнау, модный болу. Ертеңіне нанға ақша жоқ болса да, зато сырғаларым көп.

Қазір ғой қартайып жасарып отырғанымыз, ол кезде жас болып кәрі болдық па, білмеймін. Ол кезде жараспайтын болса да, кең етек көйлек киіп алып, “әдемі” фигурамызды жасыратынбыз. Ұлдардың қасында ұлдарша жүре беретінбіз.

Ал арулардың негізгі қаруы нәзіктік пен қылық екенін кейін ұқтық қой. Сырға да ұмтылыстың бір мысалы ғана", – деп жазба қалдырды тележүргізуші желідегі парақшасында.