"Мұхаммед пайғамбарды мазақ еткен": Шешенстанда франциялық мұғалімнің басын кесіп тастаған жігіт құрметпен жерленді
Париж маңында дәрісінде сөз бостандығын талқылау кезінде Мұхаммед пайғамбарды мазақ еткен суреттерді көрсеткен тарих пәні мұғалімінің басын кесіп тастаған 18 жастағы шешен жерленді, деп хабарлайды Stan.kz ақпарат агенттігі.
Абдуллак Анзоров Шешенстанның Урус-Мартан ауданында құрметпен жерленді.
2020 жылғы 16 қазанда Конфланс-Сент-Онорин қаласында 18 жастағы шешен париждік мұғалімнің басын кесіп тастады. Қылмыскерді полиция атып өлтірген.
Қылмыстың себебі - бірнеше жыл бұрын әйгілі Charlie Hebdo журналы жариялаған Мұхаммед пайғамбардың карикатурасы. Мұғалім бұл суретті Франциядағы сөз бостандығына арналған сабаққа байланысты студенттерге көрсеткен екен.
Осы жағдайдан кейін Мұхаммед пайғамбардың карикатурасы Франциядағы мэрия қабырғасында көрсетілді.
Анзоровтың денесі Франциядан Шешенстанға жеткізілді.
- "Шарли Эбдо" басылымы Мұхаммед пайғамбарға қатысты тағы да карикатура жариялады
- Арман Қуанышбаев дінді мазақ еткен Қанат Әлжаппаровқа жауап берді
Жерлеу рәсіміне шамамен 200 адам - Анзоровтар отбасының туыстары мен достары қатысты. Жергілікті билік арнайы қауіпсіздік шараларын қабылдады - жерлеу рәсімі өткен ауылға негізінен сол жерде тұратындарды жіберді, ал 65 полиция қызметкері тәртіпті сақтау үшін жақын маңда жүрді.
Шешенстан басшысы Рамзан Кадыров марқұмның қылмысын мойындады, бірақ жас жігітті мұғалім арандатқанын атап өтті.