АҚШ Қазақстаннан тікелей рейстер ашу үшін тексеру жұмыстарын бастады
21-25 қыркүйек аралығында АҚШ Қазақстандағы ұшу қауіпсіздігіне халықаралық бағалау жүргізеді. Бұл туралы Stan.kz ақпарат агенттігі хабарлайды.
Бұл бағалау кезеңі Қазақстаннан АҚШ-қа тікелей әуе рейстерін ашу жөніндегі екі жылға созылған келіссөздердегі шешуші қадам болмақ.
Америкалық инспекторлар Қазақстанда ұшу қауіпсіздігі қалай қамтамасыз етілетінін бағалайды. Тексеру барысында авиация саласындағы заңнама, ұшқыштарды даярлау және әуе кемелерінің техникалық жағдайы Халықаралық азаматтық авиация ұйымының (ИКАО) халықаралық стандарттарына сәйкестігі тұрғысынан тексеріледі.
"Сарапшылар тобының құрамына халықаралық авиациялық құқық, авиациялық қызметкерлерді лицензиялау, ұшуға жарамдылық және ұшу пайдалану салалары бойынша мамандар кіреді", – делінген көлік министрлігінің хабарламасында.
Сонымен қатар, 24 қыркүйекте АҚШ мамандары Air Astana әуе компаниясына техникалық сапармен барады.
Air Astana әуе компаниясы АҚШ Көлік министрлігінен коммерциялық қызметті жүзеге асыруға рұқсат алуға өтініш берген. Сапар барысында комиссия әуе тасымалдаушының жұмыс процестерінің ашықтығын тексереді.
Тексеру аяқталғаннан кейін АҚШ мамандары брифинг өткізіп, тексеру нәтижелері бойынша жазбаша есеп ұсынады.
Еске салсақ, 2025 жылдың қарашасында Air Astana алысқа ұшатын Boeing 787-9 Dreamliner 18 әуекемесіне тапсырып берген еді. Жаңа ұшақтар 2032-2035 жылдар аралығында жеткізіледі.
Шымкентте әйелін аяусыз соққыға жыққан ер адам тек 25 күнге қамалды
