Міндетті сәйкестендіру: Қазақстанда онлайн-несие беру тәртібі өзгереді

Фото: depositphotos.com

Қазақстанда енді белгілі бір сомадан асатын несиелерді рәсімдеу кезінде қарыз алушыны Ұлттық банктің деректер алмасу орталығы арқылы міндетті түрде сәйкестендіру қажет болады. Бұл туралы Stan.kz ақпарат агенттігі хабарлайды.

Қаржы нарығын реттеу және дамыту агенттігі қазақстандықтардың сәйкестендіру деректері белгіленген шектен асатын онлайн-несиелерді рәсімдеу кезінде ғана қолданылатынын мәлімдеді.

Сонымен қатар, бұл жүйе тек клиенттің жеке басын растау үшін қолданылатыны, ал несие беру туралы шешімді банктер мен микроқаржы ұйымдары өздері қабылдайды.

“Қабылданып жатқан шаралар қауіпсіздікті арттыруға бағытталған және қашықтан несие алу мүмкіндігін шектемейді. Сонымен қатар, Қазақстан Республикасының Ұлттық банкі бірінші деңгейлі банк болып табылады және жеке тұлғаларға қызмет көрсетпейді, оның ішінде несие берумен айналыспайды. Несиелерді екінші деңгейлі банктер мен микроқаржы ұйымдары тиісті лицензиялар негізінде береді”, — деп хабарлады реттеуші.

Қаржы реттеушісі қарыз алушының жеке қатысу талабы заңнамада көзделген жекелеген жағдайларда ғана қолданылатынын да еске салды. Мұндай жағдайда клиенттің жазбаша келісімімен банкте келу арқылы биометриялық сәйкестендіруден өту қарастырылған.

“Бұл шара қарыз алушылардың шектеулі тобына ғана қолданылады. Қалған жағдайларда қажетті қауіпсіздік талаптарын сақтай отырып, несиені қашықтан алу мүмкіндігі сақталады”, — деп толықтырды қаржы нарығын реттеу және дамыту агенттігі.

Сонымен қатар несие беру саласындағы алаяқтыққа қарсы күрес жүйелі түрде жүргізіліп жатқанын атап өтті.

2026 жылы қазақстандықтар үшін несие алу және бөліп төлеумен сатып алу қиындайды

Оқыңыз

Еске салсақ, Желіде азаматтардың “белгілі бір санаттар үшін несие алу мүмкіндігі шектелетіні" туралы ақпарат тарады. Орталық коммуникациялар қызметінің Жалған ақпаратқа қарсы іс-қимыл орталығы осы ақпаратқа байланысты пікір білдірді.

“Бұл ақпарат шындыққа жанаспайды. Қазақстанда қарыз алғанда банктер әрқашан адамның табысқа қарай несие төлей алу қабілетін тексереді. Қазіргі кезде қолданылып жүрген негізгі көрсеткіш – борыштық жүктеме коэффициенті (БЖК). Бұл көрсеткіш табыстың қанша бөлігіне несие төлемін төлей алатыныңызды көрсетеді. Мысалы, БЖК 0,5 болса, табысыңыздың жартысынан артық қарыз алмайсыз деген сөз. Жаңа көрсеткіш – борыштың табысқа қатынасы (БТҚ) – қазір тек зерттеліп жатыр, нақты шегі бекітілген жоқ”, – делінген хабарламада. 

Орталық желілердегі үрей туғызатын сипаттағы жарияланымдарға сенбеуге шақырған.