"Мен сізге ғашық болып қалдым деп айтқан": Грузияда көз жұмған қыздың құрбысы оқиға жайлы айтты
Нұр-Сұлтандық полицейлер Әсел Айтбаева өлер алдында аудио хабарлама жіберген құрбысынан жауап алды, деп хабарлайды Stan.kz ақпарат агенттігі КТК арнасына сілтеме жасап.
Марқұмның құрбысы Ольга да Әселдің Грузиядағы жұмысқа қалай шақырылғанын айтып берді.
"Таңғы алтыда маған телефон шалып тұрғызып алды. "Қуанышты жаңалығым бар, Грузияға барамын" деді. Шетелге кетерде ватсап арқылы жұмыс беруші Мұратпен бейнебайланысқа шыққан еді. Сонда Мұрат: "сіз біз іздеген адамсыз, бұған дейін хабарласқан қыздарға көңіліміз толмаған, мен сізге ғашық болып қалдым" депті. Әсел оны басқаша түсінгендей. Ол Грузияға туысы болған соң, сеніммен кетті", - деді Әсел Айтбаеваның құрбысы Ольга.
- Грузиядағы қазақ қыздың өлімі: Тағы екі қыз сауданың құрбаны болуы мүмкін еді
- "Әселдің тұрмысқа шығатын ойы болған жоқ, адвокаттың сөзі жалған": Грузияда қаза болған қыздың әкесі мәлімдеме жасады
Айта кетейік, 26 жастағы Әсел Айтбаева 5-мамырда мерт болған белгілі болған еді. Грузия прокуратурасы қыз өзіне қол салған болуы мүмкін деген болжам айтты. Алайда Әсел Айтбаеваның жақындары бұған сенбейді.
Бұған дейін Әсел Айтбаеваның өліміне кінәлі деген күдікпен оның туысы ұсталған еді.