Мәслихат депутаттарының сайлауы: Үміткерлерге бюджеттен қанша қаржы бөлінетіні белгілі болды

Орталық сайлау комиссиясы (ОСК) мәслихат депутаттығына кандидаттардың сайлау науқаны кезінде жұмсайтын шығындарының мөлшерін белгіледі. Бұл туралы Stan.kz ақпарат агенттігі хабарлайды. 

Тиісті қаулыларға ОСК төрағасы Нұрлан Әбдіров қол қойды.

Республикалық бюджет қаражаты есебінен Астана, облыстар мен республикалық маңызы бар қалалардың мәслихаттары депутаттығына кандидаттардың шығындары мынадай мөлшерде өтеледі:

• теледидар мен радиода сайлауалды бағдарламасын таныстыру және мерзімді баспасөз немесе желілік басылымдарда екі мақала жариялау – 410 мың теңге;
• жария сайлауалды іс-шараларын өткізу және үгіт материалдарын шығару – 180 мың теңге;
• көлік шығындары – 110 мың теңге.

Оқыңыз

Қазақстанда мәслихат депутаттарының сайлауына жеті партия қатысатын болды Оқыңыз

Қалалық мәслихаттар депутаттығына үміткерлердің шығындарына бөлінетін қаржы:

• Теледидар, радиода сөз сөйлеуге және екі мақала жариялауға – 400 мың теңге;
• Үгіт пен іс-шараларға – 170 мың теңге;
• Жол шығындарына – 80 мың теңге.

Аудандық мәслихаттар депутаттығына кандидаттарға:

• Теледидар, радиода сөз сөйлеуге және екі мақала жариялауға – 290 мың теңге;
• Үгіт пен іс-шараларға – 130 мың теңге;
• Жол шығындарына – 80 мың теңге.

Айта кетейік, Үгіт-насихат жұмыстары 1 қараша сағат 18:00-де басталып, 28 қараша сағат 00:00-де аяқталады. Ал 28 қараша – тыныштық күні. Сайлау учаскелерінде дауыс беру сағат 07:00-ден 20:00-ге дейін өтеді.

Еске салсақ, 12 қазанда мемлекет басшысы Қасым-Жомарт Тоқаев қазіргі мәслихаттардың өкілеттігін мерзімінен бұрын тоқтату туралы жарлыққа қол қойған еді. Барлық деңгейдегі мәслихат депутаттарының кезектен тыс сайлауы 2026 жылғы 29 қарашаға белгіленді.