АҚШ Кубаны "ұлттық қауіпсіздігімізге қауіп төндіреді" деп айыптады

АҚШ мемлекеттік хатшысы Марко Рубио Кубаны АҚШ-тың "ұлттық қауіпсіздігіне қауіп төндіреді" деп мәлімдеді. Бұл туралы Stan.kz ақпарат агенттігі хабарлайды. 

Рубио Вашингтонның "дипломатиялық шешімді" қалайтынын мәлімдеді, бірақ президент Дональд Трамптың өз елін кез келген қауіптен қорғауға құқығы да, міндеті де бар екенін ескертті. 

Кубаның сыртқы істер министрі Бруно Родригес Рубионы "өтірік айтты" деп айыптап, Куба ешқашан АҚШ үшін қауіп төндірмегенін мәлімдеді.

Сондай-ақ Рубио Кубаны "бүкіл өңірдегі терроризмнің негізгі демеушілерінің бірі" деп айыптады, алайда Родригес бұл мәлімдемені X әлеуметтік желісіндегі жазбасында қатаң түрде жоққа шығарды.

Кубаның сыртқы істер министрі Рубионы "әскери агрессияны қоздыруға тырысты" деп сынға алып, АҚШ үкіметін өз еліне қарсы "аяусыз және жүйелі" шабуылдар жасады деп айыптады. Куба отын дағдарысынан зардап шегіп отыр, бұл жағдайды АҚШ-тың мұнай блокадасы одан әрі ушықтырды. Соңғы бірнеше айда ел азаматтары ұзаққа созылған электр қуатының өшірілуі мен азық-түлік тапшылығын бастан кешіруде.

Рубио ел АҚШ-тың 100 миллион доллар көлеміндегі гуманитарлық көмек көрсету ұсынысын қабылдағанын айтты.

Оқыңыз

Кубада жанармай қоры түгелдей таусылды Оқыңыз

Айта кетейік, бұл мәлімдемелер АҚШ билігінің Кубаның бұрынғы президенті Рауль Кастроға кісі өлтіру бабы бойынша айып таққаннан кейін айтылды. Кастроға 1996 жылы АҚШ азаматтары қаза тапқан, екі ұшақты атып түсіру оқиғасына байланысты айып тағылған.

Кубаның бұрынғы президентіне тағылған айыптар көпшілікке қаңтар айында АҚШ-тың Венесуэла президенті Николас Мадуроны ұстау оқиғасын еске салды.

Журналисттер мемлекеттік хатшыдан АҚШ үкіметі Кастроны АҚШ-қа қандай жолмен жеткізуді жоспарлап отырғанын сұрады. 

"Оны қалай жеткізетініміз туралы айтпаймын. Егер біз оны осында жеткізуді жоспарласақ, неге ол туралы баспасөзге айтып отыруым керек?" – деп жауап берді Рубио.

АҚШ Бас прокурорының міндетін атқарушы Тодд Бланш болса "оның өз еркімен немесе басқа жолмен осында келуін күтетіндерін" деп мәлімдеді.

Еске салсақ, бұған дейін БАҚ-та АҚШ-тың Кубаға қарсы операцияға дайындық бастағаны туралы ақпарат тараған еді.