Маңғыстау облысында итбалықты ұрғандар жауапқа тартылады
Экология, геология және табиғи ресурстар министрлігі Орман шаруашылығы және жануарлар әлемі комитетінің баспасөз хатшысы Сәкен Ділдахмет Маңғыстау облысында итбалықты таспен, таяқпен ұрғандар жауапкершілікке тартылғанын айтты, деп хабарлайды Stan.kz ақпарат агенттігі.
"2020 жылдың 6 шілдесінде Маңғыстау облысы орман шаруашылығы және жануарлар әлемі аумақтық инспекциясы белгісіз адамдардың итбалықты қорлау фактісі бойынша Маңғыстау облысы Қарақия ауданы полиция бөліміне шағым түсірген. Полиция бөлімі аталған факті бойынша ҚР ҚК 316-бабы 2-бөлігіне (Жануарларға қатыгездiк жасау) сәйкес олардың жеке басын анықтап, қылмыстық іс қозғады", - деді Ділдахмет.
Айта кетейік, бұған дейін әлеуметтік желілерде Каспийде демалушылардың итбалыққа тас лақтырғаны түсірілген видео таралған еді. Біраз күн өткеннен кейін осыған ұқсас жағдай қайталаныпты. Бұл жолы тұрғындар суретке түсу үшін теңіз жануарын таяқпен, таспен ұрған.
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық
2026 жылы қазақстандықтарға ақшаны қалай сақтаған тиімді – Қаржы сарапшылары кеңес берді
Жаңа жылда қазақстандықтарды қосылған құн салығының өсуі, инфляция бәсеңдеуі сынды жаңашылдықтар күтіп отыр