"Мәмбеттер, калбиттер, қазанбастар": Бейбіт Әлібековтің әкесінің жазбалары көптің шамына тиді
Қазақстандықтар кәсіпкер және блогер Бейбіт Әлібековтің әкесі Бақыт Әлібековтің жазбаларын интернетте талқылап жатыр. Дау оның Facebook-тегі мәлімдемелерінен туындады. Бұл туралы Stan.kz ақпарат агенттігі хабарлайды.
Бақыт Әлібеков Пушкин ескерткішіне және орыс тіліне қатысты дауға қатысты наразылық білдірді. Сонымен қатар пайдаланушылар оның халыққа қатысты орынсыз сөздер қолданғанын атап өтеді. Пікір арасында “қазанбастар”, “мәмбеттер”, “калбиттер” деген сөздер айтылған.
Желі қолданушылары мұндай мәлімдемелерді тексеруді сұрайды. Басқалары авторды қорғап, оның сөздері тұтастай алғанда бір ұлтқа емес, нақты адамдарға және олардың ұстанымдарына бағытталған деп санады.
Бейбіт Әлібековтің өзі жағдайға қатысты пікір білдіріп, әкесінің ұстанымын қолдамайтынын айтты.
“Барлығымыз ата-ананы таңдамаймыз, олар да бізді таңдай алмайтыны анық. Әкемнің көзқарастары мен пікірлерін ешқашан қолдаған емеспін және бұл туралы бірнеше рет ашық айттым. Менің де ересек жасқа жетіп қалған балаларым бар, ересек адаммын. Әкем және мен екі бөлек тұлға екенімізді ұмытпаған жөн шығар. Әр адамның өз ұстанымы мен пікірі болуға құқығы бар. Бірақ мен тек өз сөзіме, іс-әрекетіме және көзқарасыма ғана жауап бере аламын”, – деді Әлібеков.
Сөзінше, баласы әкесінің айтқан сөзі немесе жасаған әрекеті үшін жауап беруге тиіс емес. Сондықтан саналы, жасы келген тұлғаның пікірі үшін ақталмайтынын айтады.
Бейбіт Әлібеков – қазақстандық кәсіпкер, журналист және блогер ретінде танымал. Бұрын БАҚ-та жұмыс істеген ол кейіннен бизнеспен және өз жобаларымен айналысты. Әлібеков сонымен қатар Қазақстан Медиа Альянсының негізін қалаушылардың бірі. 2022 жылы ол "Республика" партиясын құруға көмектесті және қазір оның тең төрағаларының бірі.
