Маман миға ең зиянды өнімдер туралы айтты

Дұрыс тамақтанбау адам ағзасындағы басқа мүшелерден гөрі миға көбірек зиян тигізеді. Бұл туралы Корнелл университетінің неврология және радиология кафедрасының доценті Лиза Москони айтты, деп хабарлайды Stan.kz ақпарат агенттігі.

Лиза Москонидің айтуынша, құрамында жануарлардан алынатын қаныққан майлар бар өнімдер жүрек-тамыр жүйесі аурулары мен танымдық проблемалардың даму қаупін арттырады.

"Біз майлы, тәтті тағамдарды жеп, енжарлық, мидың бұлдырлығы және ұйқышылдық сияқты белгілерді сезінгенде, бұл белгілер асқазанда емес, мида пайда болады", - деді маман.

Сонымен қатар, мұндай диета мидың функционалды және құрылымдық элементтерінің жоғалуына әкеліп соғады және оны қартаю мен ақыл-ес бұзылуларына осал етеді, деп ескертті Москони. 

Теріс салдардың алдын алу үшін дәрігер антиоксиданттарға, соның ішінде С және Е дәрумендеріне, бета-каротинге, омега-3 май қышқылдарына және қабынуға қарсы В дәрумендеріне бай тағамдарды жеуге кеңес берді.