Мәдинадан Алматыға келе жатқан ұшақ басқа елге қонуға мәжбүр болды
Мәдина–Алматы бағытында ұшып келе жатқан әуе рейсі кезінде жолаушылардың бірінің денсаулығы күрт нашарлап, экипаж Омандағы қосалқы әуежайға шұғыл қонуға мәжбүр болды. Бұл туралы Stan.kz ақпарат агенттігі хабарлайды.
Ақпаратты Scat әуе компаниясының баспасөз қызметі растады. Алдын ала мәлімет бойынша, ұшу кезінде жолаушылардың бірі есінен танып қалған.
"Мәдина–Алматы бағытындағы рейс кезінде жолаушылардың бірінің денсаулығы нашарлады. Бортта оған қажетті медициналық көмек көрсетілді. Алайда жолаушыға әрі қарай медициналық көмек көрсету мақсатында ұшақ командирі Омандағы қосалқы әуежайға қону туралы шешім қабылдады", – делінген хабарламада.
Ұшақ қонғаннан кейін жолаушы дәрігерлерге тапсырылған.
Еске салсақ, бұған дейін Air Astana ұшағы Астанаға қона алмай, Алматыға қайта оралғаны туралы жазған едік.
100 жылқыны ұрлады деп жала жабылған ақтөбелік қария жалғыз үйінен айырылуы мүмкін
“100 жылқым жоғалды” деген қожайыны 60 жастағы азаматты екі бірдей сотқа сүйреп, мойнына 10 миллион теңге қарыз ілген
Алматылық зейнеткердің ForteBank депозитіндегі ақшасы екі рет ұрланған: Ол ақшасын 4 жылдан бері қайтара алмай жүр
74 жастағы зейнеткердің ForteBank-тің клиенті болғанына он жылдан асқан