Мәдина Сәдуақасова күйеуі жайлы: Мен танымай тұрғанда ол менің қасымда жүрген екен

Сыңғырлаған даусымен, сүйкімді келбетімен көрерменін баураған Мәдина Сәдуақасова жұбайы жайлы айтып көпшілікті қызықтырып қойды. Бірге жүрсе де сөйлеспеген адаммен бас қосқанын тағдырға балайды, деп хабарлайды Stan.kz ақпарат агенттігі. 

Қылықты әнші өткенді еске алып, естелігін бөлісті. Тұрмыс құрмай тұрған кезінде жолдасымен үнемі бірге жүрген екен. Алайда мұны әншінің өзі білмеген сыңайлы. Бұған архивтегі суреттері дәлел.

"12 жыл бұрынғы түсірілімнен. “ Таң қалдырған хиқая” Есіңізде болар?! Бірақ, әңгіме ода емес. Барлық суреттерде кімді байқап тұрсыздар?Тура осы сәтте оны танымаймын, байқамаймын да, 2009 да “таныстық” , ал 6 жылдан кейін қасымыздағы кісілер үйлену тойымызға келді. Ол үнемі менің қасымда жүрген. Бұл тағдыр", - деп жазды әнші парақшасында. 

Желі қолданушылары да бұл көрініске таңғалысты. 

"Сізді шын сүйген ғой. Тағдырдан қашып құтыла алмайсың", "Құдайдың құдіретінде шек жоқ", "Сіздерге қызыға қараймын. Ұзағынан болсын! Бақытты болыңыздар. Үлгілі отбасысыздар", - деп жазады олар. 

Мәдина Сәдуақасова 2014 жылы қаңтар айында Олжас Смағұловқа тұрмысқа шықты. Осы жылдың жазында ұлы өмірге келді. Бүгінде сүйікті жар, аяулы ана. 

Тағы оқыңыз:

Ең қымбаты — неке жүзігі: Мәдина Сәдуақасова шараға 1,5 миллионның киімін киіп келген

"Күйеуіме ол ерсі емес": Мәдина Сәдуақасова жалаңаш образы үшін сын айтқандарға жауап берді