Құс тұмауы: Ақтау маңындағы көлде 30 аққудың өлексесі табылды
Үстірт мемлекеттік табиғи қорығы Ақтау маңындағы Қаракөл көлінің маңынан табылған 30 аққудың өлімінің себебін атады. Бұл туралы Stan.kz ақпарат агенттігі хабарлайды.
Қарақия-Қаракөл табиғи резерватының инспекторлары 21 желтоқсан күні күзет жұмыстарын жүргізу кезінде аққулардың өлексесін тапты. 23-24 желтоқсанда көл маңынан тағы да бірнеше құс өлекселері табылды. Аққулардың бұлай қырылуының себебін анықтау үшін экологтар сынама алды.
“Ветеринариялық іс-шаралардың қорытындысы бойынша өлген құстардың өлекселерінен алынған сынамалардан құс тұмауының вирусы анықталды. Қазіргі уақытта Қаракөл көліндегі жағдай тұрақты. Мемлекеттік инспекторлар қорық аумағын бақылауда", - делінген хабарламада.
Еске салсақ, бұған дейін Солтүстік Қазақстан облысындағы Питное көлінде жүз келіге жуық балық қырылғанын хабарлаған едік.
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан
"4 миллион теңге күйіп кетті": Мерекеде қызғалдақ сатқан қазақстандық кәсіпкерлер биыл шығынға батқан
Кәсіпкер: "3000 гүл сатуымыз керек еді, бірақ тек 166 дана қызғалдақ саттық"