Күнде бұрын-соңды болмаған ең қуатты жарқыл байқалды: Бұл қазақстандықтарға қалай әсер етеді
АҚШ ұлттық мұхит және атмосфералық басқармасы Күннің ең мықты X2,8 интенсивтік жарқылын тіркеді. Бұл – осыған дейін тіркелген күн жарқылдарының ең күштісі. Бұл туралы Stan.kz ақпарат агенттігі хабарлайды.
Жарылыс Күннің солтүстік жарты шарында өткен жексенбіде жерге қарама-қарсы орналасқан №3520 аймақта болды. Алайда 4 күннің ішінде батыс шетіне қарай ығысқан. Мамандар жарылысты Астана уақытымен 23:00-де тіркеген.
Қуатты жарқыл кеңістікке орасан зор энергия бөлетіні белгілі. Олар магниттік дауылдарды тудырады, ол байланыстың нашарлауына әкеліп, радиохабарларға кедергі келтіреді, электр қуатының ұлғаюына, навигациялық жүйелердің ақауларына және жалған дабылдарға әкеледі.
Болжам бойынша, 16, 19 және 22 желтоқсанда Қазақстанда үш аса ірі магниттік дауыл болады. 16-сы күні болжанған магниттік дауыл күннің жарқылымен емес, күн желіне байланысты.
"Адамның магниттік дауылдан қалай төтеп беруі оның денесінің қаншалықты тез бейімделуіне байланысты. Бейімделуді нейрогормональды басқару жүйелері, яғни гипоталамус, гипофиз, мидың диэнцефалиялық аймағы, қалқанша безі, бүйрек үсті бездері қамтамасыз етеді: ", – деді профессор Александр Эльчанинов.
- Егер сізде ауырсыну және бас айналу сезілсе, төсектен атып тұрмаңыз;
- Дене белсенділігін шектеуге тырысыңыз;
- Мүмкіндігінше артық тамақтанбаңыз, майлы және етті тағамдардан бас тартыңыз;
- Ерте ұйықтауға тырысыңыз;
- Пәтеріңізді/кеңсеңізді жиі желдетіңіз;
- Көбірек су ішіңіз.