Күн сайын жеу керек: Ағзаға ең пайдалы өнім аталды

Авокадоны күнделікті қолдану метаболизмді жақсартады және ішектің жұмысын қалыпқа келтіреді. Бұл туралы жапондық Нихон Кэйдзай басылымы жазды, деп хабарлайды Stan.kz ақпарат агенттігі.

Мақала авторы 25 пен 45 жас аралығындағы әртүрлі жыныстағы 163 пациент қатысқан америкалық ғалымдардың зерттеуіне сілтеме жасаған.

Қатысушылар тәуліктік калория мөлшері бірдей екі топқа бөлінді, алайда бірінші топта ерлер қосымша 175 грамм авокадо, ал әйелдер 140 грамм жеді.

Нәтижесінде аталған жемісті күнделікті қолданған кезде бірінші топта екінші топқа қарағанда қанықпаған май қышқылдары – 20 граммға , диеталық талшық – 14 граммға және 300 килокалорияға көп болғаны анықталды.

• Балаларға арналған йогурт ағза үшін зиян болып шықты


• Диетологтар салмақ тастауға көмектесетін жемісті атады

Нәжісті талдағаннан кейін мамандар авокадо ішектегі бактериялардың алуан түрлілігін жақсартатынын дәлелдеді. Бұл ерекше маңызды, өйткені көрсеткіштің төмендеуі кейбір аурулардың дамуына себеп болады.

Сонымен қатар авокадо құрамындағы қанықпаған май қышқылдары организмдегі жаман холестерин деңгейін төмендетуге көмектеседі.

Сарапшылар бірінші топта диеталық талшықтарды ашытатын және ыдырататын бактериялардың көп мөлшерін тапты, ал ішектің қабынуына әкелетін өт қышқылдары, керісінше, аз болды.