Қос балуанымыз әлем чемпионатының алтынына таласады
Грек-рим күресінен Қазақстан құрамасының қос балуаны 20 жасқа дейінгілер арасында өтіп жатқан әлем чемпионатының финалына шықты. Бұл туралы Stan.kz ақпарат агенттігі хабарлайды.
Испанияның Понтеведре қаласында күрес түрлерінен өтіп жатқан әлем чемпионатында грек-рим күресінен екі балуанымыз алтын жүлде үшін белдеседі. 67 келі салмақта сынға түскен Юсуп Ашрапов Украина мен Грузия балуандарын жеңіп, жартылай финалда ресейлік Грайр Огенасяннан 7:5 есебімен басым түсті. Енді ол алтын жүлде үшін сында ирандық Ахмадреза Мохсен Нежадқа қарсы күреседі.
Сондай-ақ, 82 келідегі Ислам Евлоев та қарсыластарынан басым түсіп ақтық сынға шықты. Исламның жартылай финалдағы қарсыласы кілемге шықпай қалды. Енді ол финалда түркиялық Альперен Бербермен белдеседі.
Айта кетейік, бұған дейін қос балуанымыз әлем чемпионатының қола жүлдегері атанғанын жазған едік.
Моңғолиядағы қазақ-моңғол дауы неден шықты: Тіл мәселесі неге көтерілді
"Қазақтар болашақта Баян-Өлгейді Қазақстанға қосып жібермек" деген сияқты негізсіз қауесетке ұласып кетті
"Байлықтың жарысы": Қазақстандықтар құдалыққа миллиондап ақша жұмсап, киіт кигізуге қарсы шықты
Айгүл Ғалымжанова: "Шығындарды есептегенде шамамен 15-16 миллион теңге шықты"