Қазақстанда доллар бағамы тағы арзандады
Қазақстан қор биржасындағы (KASE) күндізгі сауда-саттық нәтижесі бойынша, АҚШ долларының теңгеге шаққандағы бағамы 4,94 теңгеге арзандап, орташа есеппен 501,31 теңге болды. Бұл туралы Stan.kz ақпарат агенттігі хабарлайды.
Фото: depositphotos.com
Ұлттық банк 12 ақпанға белгіленген ресми бағамды бір доллар үшін 506,43 теңге деп бекітті. Сонымен қатар Ресей рублінің орташа бағамы 5,28 теңге, ал еуро 522,43 теңге деңгейінде қалыптасты.
Kurs.kz мәліметіне сәйкес, Алматыдағы ақша айырбастау орындарында доллар 506 теңгеден сатылып, 502 теңгеден сатып алынып жатыр. Еуро бағамы 520-525 теңге аралығында өзгеріп отыр.
Астана қаласында долларды 507 теңгеден сатып алуға болады, ал сатып алу бағамы 501 теңге. Еуро 526 теңгеден сатылып, 519 теңгеден сатып алынып жатыр.
Қазір Ресей рублі ақша айырбастау орындарында 5,24-5,35 теңге аралығында саудаланып жатыр.
Еске салсақ, сарапшылар осыған дейін доллар бағамын 550-560 теңгеге дейін өседі деп болжаған.
"Бізден 100 есе жоғары алады": Қазақстан мен шетелдік дәрігерлердің жалақысын салыстырып көрдік
Алматының ауруханасында жұмыс істейтін дәрігерлер 160-250 мың теңге алады
Қазақстанда биыл БАҚ өкілдерін марапаттауға 35,2 миллион теңге бөлінген
Ал 2021 жылы журналистерді ынталандыруға тек 14,5 миллион теңге бөлінген