Көлігі аударылып кеткен: БҚО-да полиция қызметкері көз жұмды
Батыс Қазақстан облысында жол апатынан полиция қызметкері көз жұмды, деп хабарлайды Stan.kz ақпарат агенттігі.
Оқиға Орал-Тасқала жолында болған. Орал қаласы полиция басқармасының қызметкері Мержан Бисенғалиев Тасқала ауданы Айнабұлақ ауылы тұсында өзінің Chevrolet Cobalt автокөлігімен аударылып кеткен. Тәртіп сақшысы көлікте жалғыз болған. Ауыр жарақаттардан ол сол мезетте жан тапсырған.
Қазіргі таңда Тасқала аудандық полиция бөлімінде сотқа дейінгі тергеу амалдары жүргізілуде.
"Марқұмның соңында жары, кішкентай қызы қалды. Мержан ішкі істер органдарына 2002 жылы орналасып, қызмет бабында өзін жақсы қырынан көрсетті. Жауапты да сауатты қызметкерлердің бірі еді, әрдайым жастарға үлгі бола білді", - деді БҚО ПД-нің ресми өкілі Болатбек Белгібеков.
"Киімдегі жалаңаш қыздар": Дене бітімін айқындайтын хиджаб үлгісі қазақстандықтардың сынына қалды
Имам: “Бұл қыздарды "дұрыс емес киініп жүрсің" деп кінәлауға болмайды”
Қазақстанда ерлі-зайыпты ажырасқанда ипотека мен қарыз қалай бөлінеді
Пәтер ипотеканы рәсімдеген адамның жеке меншігі болып саналады