"Көк-Төбедегі" мұнараны басып алуға қатысудан бас тартқан алматылыққа екі рет оқ атқан - прокуратура
Алматыдағы жаппай тәртіпсіздіктер кезінде "Көк-Төбе" мұнарасын басып алуға қатысудан бас тартқан тұрғынға екі рет оқ атылған. Бұл туралы бас прокуратураның баспасөз қызметіне сілтеме жасап Stan.kz ақпарат агенттігі хабарлайды.
Прокуратураның хабарлауынша, 6 қаңтар күні қылмыскерлер телемұнараны басып алуды жоспарлап, бейбіт тұрғындарды бірлесіп қылмыс жасауға шақырған. Ал көнбеген алматылықтарға оқ атып, өмірлеріне қауіп төндірген.
"1992 жылы туған азамат бас тартқан соң қылмыскерлер оған мылтықпен екі рет оқ атқан, нәтижесінде жәбірленуші қолынан және жыныс мүшелері тұсынан жарақат алған. Аталған қылмыстың ұйымдастырушысы ұсталды, ол бұрын сотталған 1983 жылы туған Алматы қаласы маңының тұрғыны болып шықты. Оның қылмысқа қатыстылығы куәгерлердің түсініктемелерімен дәлелденеді. Ол ағымдағы жылдың 25 қаңтарында соттың санкциясымен қамауға алынды", – деп хабарлады баспасөз қызметі.
"Мәйітін алып келуге 2 апта кетеді": Вьетнамға қызымен демалуға барған қазақстандық әйел көз жұмды
Турагенттіктің айтуынша, ертесі оған әйелдің қызы хабарласып, анасының көзін ашпай жатқанын айтқан
"Семіз екенімізді білеміз, айта берудің қажеті жоқ": Қазақстандықтар қоғамда толық адамдарға ашық қысым көрсетілетініне шағымданды
Алматылық: “Мә, қайда өсіп бара жатсың, дәу боп кеткенсің ғой” деу қаншалықты орынды?"