Қызметінен қуылуы мүмкін: Шымкенттік мемлекеттік қызметкерлер букмекерлерге 400 миллион теңге ұтылған
Фото: championat.com
Шымкентте құмар ойынға құнығып, бәс тіккен 50 мемлекеттік қызметкер жұмысынан айырылуы мүмкін. Олар бір жылда букмекерлік кеңсеге 400 миллион теңге ұтылған екен. Бұл туралы Stan.kz ақпарат агенттігі КТК арнасына сілтеме жасап хабарлайды.
Қисапсыз қаржының құмар ойынға кетіп жатқанын Шымкент прокуратурасы анықтады. Олар арнайы талдау кезінде лудомания дертіне шалдыққан мемлекеттік қызметкерлердің тізімін жасапты. Заң бойынша олардың бәс тігіп казиноға баруына тыйым салынған. Сондықтан қызметте болса да құмарын жеңе алмай жүргендер шетінен жылы орнымен қоштасады.
“Талдау нәтижесі бойынша, жергілікті атқарушы органға қадағалау актісі енгізіліп қаралып жатыр. Өзгерістер енгізілген заң талаптарына сәйкес, ол жерде қызметкермен еңбек шартын бұзу тәртібі қарастырылған”, – деді Шымкент қаласы прокуратурасының басқарма бастығының орынбасары Бекжан Құлатаев.
"Scopus-қа мақала шығару үшін 1,5 миллион теңге сұрайды": Қазақстандық ғалымдар докторантурадағы талаптарға наразы
Ресми деректерге сүйенсек, қазір Қазақстан бойынша докторантурада 7 600-ден 9 500-ге дейін докторант білім алуда
"Денесінде бұған басшылық кінәлі деген жазуы бар": Түрмеден шығуына 20 күн қалған қазақстандық ер адам қаза тапты
Оны бостандыққа шығуына санаулы күндер қалған болатын