Қызылорда облысында 7 мыңнан астам тұрғынға өзіне тиесілі тегін дәрілер берілмеген
Қызылорда облысының прокуратурасы 7 мыңнан астам тұрғын өзіне тиесілі тегін дәрі-дәрмекті алмағанын анықтады. Бұл туралы Stan.kz ақпарат агенттігі хабарлайды.
Фото: Pixabay.com
Тегін медициналық көмек аясында облыстың тұрғындары дәрі-дәрмекпен қамтамасыз етілмеген.
Сондай-ақ емханаларда балалардың жасы ескерілмей, кәмелетке толмағандарға мыңнан астам дәрі-дәрмек негізсіз жазылған.
"Дәрігердің нұсқауынсыз 170 адам инсулиндік дәрі-дәрмек алған. 68 дәрі-дәрмекті сақтау талаптары бұзылып, салдарынан екі науқасқа жарамдылық мерзімі өтіп кеткен дәрі-дәрмек тағайындалған. Сондай-ақ облыстағы 14 медициналық ұйымда 19 қызметкер заңсыз фармацевтикалық қызметті жүзеге асырған", – делінген хабарламада.
Осы бойынша уәкілетті органдарға прокурорлық қадағалау актілері енгізіліп, 93 тұлға жауапкершілікке тартылғаны атап өтілді.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған