Қылмыстық топ жетекшісі Көлбаевтың Қазақстанда мүлкі бар ма - Қаржы министрі жауап берді
Бұқаралық ақпарат құралдарында Қырғызстан билігі өлтірілген қылмыс жетекшісі Камчыбек Көлбаевты тергеу аясында оның активтерін Қазақстаннан қайтаруды көздеп отыр деген ақпарат тарады. Бұл туралы Stan.kz ақпарат агенттігі хабарлайды.
Фото: vesti.kg
Көлбаевтың барлық активтерінің алдын ала құны шамамен 1 миллиард долларды құрайтыны хабарланды. Бұл заңсыз активтерді іздеу жұмыстарының алғашқы нәтижелері ғана. Ресей мен Қазақстанда іздеу жұмыстары әрі қарай жалғасады.
БАҚ беттерінде тараған ақпаратқа қатысты ҚР Қаржы министрі Ерұлан Жамаубаев пікір білдірді.
"Бұл салыстырмалы түрде жақында алынған ақпарат делік. Әзірге өтініштер түскен жоқ. Осыған ұқсас жұмыстарды жасап жатырмыз. Қырғызстандық әріптестерімізге келетін болсақ, Қаржы министрлігіне әлі ешқандай өтініш түскен жоқ. Ол қандай жазықтықта жатыр? Қылмысты тергеудің бір бөлігі ретінде баға беру қажет болса. Қазақстанда бұл кісіге тиесілі мүлік, ақша бар ма? Тағы да айтамын, ақпарат жаңа. Сондықтан олардың өтініші бойынша жұмыс істейміз", - деді ол.