Павлодарда пансионат қызметкерлері қарттарды сырт киімсіз аулада ұстап, ұрып-соғып азаптап келген (видео)
Ақсу қаласының прокуратурасы бақылау жұмыстары кезінде жергілікті бюджеттен қаржыландырылатын пансионаттардың бірінде тағы да қарттарды азаптау фактісін анықтады. Бұл туралы Stan.kz ақпарат агенттігі хабарлайды.
Фото: Видеодан скрин
Қарттар үйіндегі бейнекамераларда түсірілген жазбаларда жантүршігерлік кадрлар бейнеленген. Мекеме қызметкерлері екі қарияны ұзақ уақыт бойы қорлап, оларға зорлық-зомбылық көрсеткен.
Зәбір көрген қарттың бірінің жасы – 84-те. Пансионат қызметкерлері оларды үнемі ұрып-соғып, қолдарын бұрап, қыстың суығында сырт киімсіз аулада ұстаған.
“Осы факті бойынша Ақсу қаласының прокуратурасы қылмыстық кодекстің 110-бабы 2-бөлігі бойынша сотқа дейінгі тергеп-тексеруді бастады. Қазір барлық кінәлі адамдар анықталды”, – деп мәлімдеді ведомство.
Бұған дейін Алматы метросындағы төбелес видеоға түсіп қалған еді.
Қазақстандықтар круизбен әлем аралаймыз деп сотталған әйелге алданып қалған
Жаннаның өзі де InCruises-ке құдағиының шақыруымен барған
"1,5 миллион теңге сұрайды": Қазақстандық желі қолданушылары "7-20-25" бойынша үй кезегіне күмән келтірді
Кей азаматтар ипотекалық брокерлер арқылы кезекті жылдамдатуға болатынын, мұндай "қызметтің" құны кемінде 1,5 млн теңгеден басталатынын айтуда