"Келмейтіндер нөмерімді өшіріп тастаңдар": Айқын Төлепберген үйлену той алдындағы дайындығын көрсетті

Отандық шоу-бизнес жұлдызы Айқын Төлепберген оқырман қауымға тойға қалай дайындалып жатқанын баяндап берді. Бұл туралы Stan.kz ақпарат агенттігі хабарлайды.

Фото: https://www.instagram.com/zhuldyzomirgali_official/ 

Өнер иесі екінші жары, әнші Жұлдыз Өмірғалимен тоғыз жылдан кейін үйлену тойын жасамақ.  

“Қазір бір түсірілімге бара жатырмыз. Жаңа имидж, көзілдірік киіп алдым. Тәтем бар қасымда. Тәтем боянып алған, алтындарын тағып алған. Той алдында арықтап кетті. Маған қарамайды. Сегіз келі тастапты. Біз жас жұбайлар болдық. Құттықтасаңыздар болады. Бейсенбі тойымыз болады. Шақырылған қонақтар ұмытып кетпеңіздер. Тойға келмегендер нөмірімді өшіріп тастасаңыздар болады", – деді әнші. 

• Айқын Төлепберген әйелі Жұлдыз Өмірғалиға ерекше тосынсый жасады

• "Әселден басқа келін керек емес": Айқын Төлепбергеннің ата-анасы Жұлдызбен қосылуына қарсы болғанын жасырмады

Еске салайық, өнерлі жұп не себепті той жасамағанын түсіндірген еді. 

“Негізі бұл тойды тоғыз жыл бұрын жасайын деп ойлап едік. Бірақ Жұлдыздың ұзатуынан кейін хейт басталып кетті. Сол кезде Жұлдызға "Кішкене күте тұрайық, халық үйренсін бұл жаңалыққа, ашуы басылсын" деген едім. Сосын енді той жасайын деп жатқанда кино түсіріп кеттік. Оны аяқтап, енді той істейін дегенде, пандемия басталып кетті. Әне-міне деп жүріп үй салдық, сөйтіп жүргенде 9 жыл өтіп кетіпті ғой. Енді, міне, той жасайық деп шештік”, – деген еді Айқын.