Ресейлік “Известия” газетіне берген сұхбатында Тоқаев Ресейде 60 мыңнан астам қазақстандық студент білім алып алып жатқанын айтты. Ол мұның себебін территориямыздың жақындығы, тілдік кедергінің жоқтығы, оқу ақысының қолжетімділігі секілді себептермен байланыстырған.

Мемлекет басшысы Қазақстанның оңтүстік облыстарында Қазақстан – Ресей бірлескен білім беру мекемелерін ашу жөнінде келіссөздер жүргізіліп жатқанын жеткізді. Бұл ретте біз Ресейдің Қазақстанмен шекаралас, қандастарымыз көп тұратын облыстарында осындай мектептер ашуға мүдделіміз, деп қосты Тоқаев.

ҰҚШҰ Қаңтар оқиғасы кезінде елдің ішкі саяси тұрақтылығын сақтап қалды – Путин

"Қазақстанның теңізге шығатын жолы жоқ": Тоқаев "Солтүстік – Оңтүстік" көлік дәлізінің келешегі туралы тоқталды

“Қазақстанда техникалық бейіндегі шетелдік жетекші оқу орындарының филиалдарын ашу жұмыстары жүргізіліп жатыр. Биыл еліміз Қазақстан мен Ресей үкіметтері арасында жасалған Жоғары және жоғары оқу орнынан кейінгі білім беру мекемелерінің филиалдарын тең негізде құру және олардың қызметі туралы келісімді ратификациялады.

Соның нәтижесінде Әл-Фараби атындағы ҚазҰУ базасында МИФИ филиалы, С. Өтебаев атындағы Атырау мұнай және газ университеті базасында И.М. Губкин атындағы Ресей мемлекеттік университетінің филиалы ашылды. Келесі жылы М.Х. Дулати атындағы Тараз өңірлік университетінің жанынан Д.И. Менделеев атындағы Ресей химия-техникалық университетінің филиалын ашу жоспарланып отыр”, – деді Қасым-Жомарт Тоқаев.

Талқылау