Қазақстанның қорғаныс министрі коронавирусқа қарсы екпе алды
Қорғаныс министрі және оның орынбасарлары, бас қолбасшылар коронавирусқа қарсы екпе салдырды. Бұл туралы бас әскери медицина бастығының орынбасары, медицина қызметінің полковнигі Әлібек Манабаев мәлім етті, деп хабарлайды Stan.kz ақпарат агенттігі.
"Қорғаныс министрлігінде екпе салдырғандардың ең алғашқылары - Қорғаныс министрінің өзі, оның орынбасарлары, бас қолбасшылары", - деді ол арнайы брифингте.
Сонымен қатар Әлібек Манабаев әлеуметтік желілерде тараған "әскери қызметшілерді екпе салуға мәжбүрлейді" деген ақпаратты жоққа шығарды.
"Өйткені әрбір әскери ортада әскери қызметші өзінің басшылары, командирлеріне еліктеу арқылы вакцинация алуға талпынады. Мысалға бөлім командирі, медицина қызметкерлері өткеннен кейін олар да екпе алып, қатардан қалмауға тырысады", - деді әскери дәрігер.
Оның айтуынша, тек медициналық қарсы көрсетілімі бар адамдар ғана екпе алмаған.
Қазақстанда орынбасарлары сотталған әкімдер отставкаға кетті ме: Шолу
Қазақстан заңнамасында орынбасары сыбайлас жемқорлық қылмысы үшін сотталған әкім 10 күн ішінде отставкаға өтініш беруі тиіс
Дәрігерден медбикеге дейін ақша сұрайды: Қазақстандық келіншектер перзентханадағы былықтарды ашты
Пікір қалдырғандардың басым бөлігі кейбір перзентханаларда көрімдік сұрау қалыпты жағдайға айналып кеткенін айтты